أهم الأخبارتحقيقات

فين مباحث الكهرباء : ادارة التضامن الاجتماعى ببنها تعطل العداد وتسرق التيار الكهربى بفعل فاعل

سمير بحيرى

 ” خلينا نقول بالعامية ” : النهارده بنقدم بلاغ لمباحث كهرباء القليوبية ضد حنان جابر حسن مديرة إدارة بنها الاجتماعية وأحد رجالة صفاء طنطاوي اللي جابتها بالمخالفة للقانون من شبرا الخيمة إلي بنها علشان تكون عين لها في الإدارة علشان صفاء توقع مجدي حسين وكيل وزارة القليوبية بعد عزل صفاء طنطاوي من منصب وكيل الوزارة ووقفها عن العمل وعودتها وكيلة لمديرية التضامن بالقليوبية بدون قرار من الوزيرة صفاء علشان توقع مجدي بعد واقعة الورق اللى علي بياض اللى قمنا بنشرة قبل ذلك اللى حنان ونجلاء الدسوقي ختموة علي بياض علشان يروح لصفاء.

 أمرت الهانم صفاء حنان ونجلاء أنهم يخبوا كارت عداد الكهرباء الخاص بالإدارة علشان يعرقلوا العمل والموظفين تترحم علي أيام الحاجة صفاء ويقولوا كانت عارفة تمشي الدنيا مش زي مجدي يعنى عايزة تغرق مجدي في المشاكل وتوقعة وتطلعة امام الوزيرة أنة مش قادر يدور مديرية التضامن بالقليوبية راحت حنان جابر مدير إدارة بنها الاجتماعية ونجلاء الدسوقي رئيس قسم الرقابة بإدارة بنها أخدوا الكارت بتاع الكهربا وبعد كدة عملوا نفسهم بيطلعوا كارت جديد وبوظوة راحت حنان ونجلاء أمروا محمد السيد رئيس قسم الضمان ورفعت سليمان مرسي مندوب صرف الادارة اللي هو الكارت عهدتة وبوظوا الكارت وجابوا واحد شال العداد .

طيب الموظفين صابرين والدنيا واقفة واجهزة الكمبيوتر في وحدة الحاسب الالي كلها يعني حوالي تسع أجهزة كمبيوتر واقفة صفاء تسكت لا طبعا أتفقت مع حنان جابر ونجلاء الدسوقي أنهم يخلوا محمد السيد ورفعت سليمان يوصلوا الكهرباء توصيل مباشر من غير عداد يعني سرقة تيار كهربائي وشاهدهم أحد المترددين على إدارة بنها وقام يوم الخميس الماضي بإبلاغ مباحث الكهرباء ودة بلاغ رسمي للسيد مدير أمن القليوبية ومباحث الكهرباء بالقليوبية ضد صفاء طنطاوي اللى رجعت بدون قرار ورجعت معاها المشاكل والمؤامرات وضد حنان جابر ونجلاء الدسوقي ومحمد السيد ورفعت سليمان .

ياسيادة رئيس السلطة التنفيذية الدكتور علاء عبدالحليم  محافظ القليوبية أين أنت من هذه الافعال وأين ردك علي هذا الفساد ياسيادة وزيرة التضامن أين أنتى هل أنتي فعلا صديقة صفاء طنطاوي كما تدعي قولا أمام الناس وتقوم بالاتصال التليفوني أمام موظفين مديرية التضامن بالقليوبية لكي ترهب الموظفين وتقول لهم بكلم الوزيرة بتطمن عليا لماذا ياسيادة الوزيرة عودة هذه السيدة وعودة المشاكل معها بعد أن هدأت الامور في القليوبية .

أين مباحث الكهرباء هل هذه جريمة سرقة تيار كهربائي أم الست صفاء وحنان ونجلاء هم مباحث الكهرباء غدا ننشر لكم حلقة جديدة من حلقات إمبراطورية صفاء طنطاوي بالقليوبية ووزارة التضامن وملفات جديدة أمام وزيرة التضامن لنقدمها طبقا شهيا أمام القنوات الفضائية لكي يتعرفوا علي حجم الفساد في التضامن الاجتماعي وصفاء طنطاوي صديقة غادة والي والمحافظ مش عارف عنها حاجة ولا راحت تقابلة من الاساس حلقة أخر ممتعة غدا إنتظرونا .

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق