أهم الأخبارتحقيقات

سمير بحيرى يكتب :كلاكيت تانى مرة .. مخالفات بالجملة وسرقة ملايين ونهب منظم وتزوير محكم بجمعية رعاية طلبة المدارس وحكم محكمة والدستورية بعودة مجلس الادارة

سبق وان سطرنا هنا اكبر ملحمة فساد تشهدها وزارة التضامن الاجتماعى وكان بطلها خمس جمعيات اهلية ” رعاية طلبة المدارس – رعاية طلبة الجامعات – الهلال الاحمر – الاسر المنتجة – الدفاع الاجتماعى ” وذلك برعاية تامه وتحت سمع وبصر مديرية التضامن الاجتماعى بالقليوبية على مدار 28 حلقة لم يكتب فيها سطر واحد بدون مستند وبل ودخلنا فى التفاصيل كيف صنعت كل تلك المستندات وبالصوة والصورة ومئات المستندات الرسمية .. كانت ردة الفعل الوحيدة على تلك الحملة هى عزل صفاء طنطاوى وكيل وزارة التضامن بالقليوبية فقط !! .

ولاننا ليس لنا خلافات شخصية مع احد ولانتعامل الابالاوراق والمستندات وهدفنا هو تطهير الدولة من الفاسدين ونؤمن تماما بإعلان الرئيس عبدالفتاح السيسى رئيس الجمهورية الدائم بضرورة القضاء على الفساد والضرب بيد من حديد على الفاسدين لذا فلايعنينا عزل شخص من منصبة او تولى اخر ولكن مايعنينا هو الحساب والعقاب ورد اموال الدولة المنهوبة .. وبما ان اى محافظ فى اقليمة يمثل رئيس الجمهورية  ومن المؤكد ان هذا المحافظ يؤمن بما يؤمن به رئيس الجمهورية وبسعى لتحقيق مايعلن عنه الرئيس فى اقليمة خاصة وانه لايخلو خطاب للرئيس من التشديد على اهمية مقاومة الفساد فنحن هنا نوجه حديثا هذا المدمغ بالمستندات الى رئيس جمهورية القليوبية الى الدكتور علاء عبدالحليم محافظ القليوبية والى الدكتورة ايمان ريان نائبة محافظ القليوبية والى الدكتور عواد احمد على السكرتير العام للقليوبية ولا نوجه الى مجدى حسين مدير مديرية التضامن الاجتماعى بالقليوبية لانه للاسف الشديد جاء على انقاض تلك الملفات وكلف هنا للعمل بسبب القضاء على هذا الفساد ويعلم حجم الفساد الذى نخر حتى الكرسى الذى يجلس عليه وقد استسلم تماما كل الاستسلام للشبكة العنكبوتية للفساد داخل مديرية التضامن وفى الجمعيات الاهلية واصبح جزء منها مشاركا بصمته وسلبيته فى البحث واتخاذ القرار على مدى شهرين هى فترة استلامة العمل هنا بالمحافظة ..وكأن مجدي حسين جاء ليكمل مسيرة الفساد واستمرار السبوبة .

 لماذا لم يتم تنفيذ الاحكام القضائية التي حصلت عليها جمعية رعاية الطلبة بالقليوبية الاحكام رقم 451 لسنة 19 ق وحكم المحكمة الدستورية العليا رقم 160 لسنة 37 ق والذى طالب بعودة مجلس الادارة والذى تسبب  بأن تكون الجمعية بدون حركة بنكية والموظفين لم يتقاضوا رواتبهم وكل وكل عضو مجلس ادارة من المجلس المزور اتى  بمعارفة ومحسيبه لينهبوا فلوس الجمعية !! قاعدين شهرين في مرسي مطروح زي محمد مرسي اللى كسر مقر الجمعية واستولي على مستنداتها وأموالها هو  وربيع قنديل وسعيد المرزوقي محمد مرسي اللي ساعدة في الاستيلاء علي المستندات بمعاونة محمد إسماعيل ومحمد عطية وعبدالنعيم اللى ظهروا فى تصوير كاميرات المراقبة ماهو الراجل بياخد مرتب وبدل حضور وبدل إنتقال والجمعية مافهاش فلوس وقاسم المحامي الذي لايفقة شىء عن الجمعيات لانة محامي احد أعضاء الجهة الادارية وأخد مراتة وأولادة وقعد شهرين علي حساب الجمعية في مرسي مطروح هي الدكتورة غادة والي وزيرة التضامن مش خايفة إلا علي زعل نواب مجلس الشعب وسايبة الفساد يعنى فرحانة بكدة مش عايزة تنفذي أحكام القضاء لية علشان عارفة أن تسليم مجلس الادارة هو دخول رجالتك الفاسدين السجن من أوسع الابواب هي النيابة واللجان اللى نزلت من المحافظة والوزارة قبل صفاء ماتتعزل ماقلتش إن كمال عبدالحليم الحوت الكبير مدير إدارة الجمعيات السابق وإبن خالة بياع الطعمية جلال عبدالمعبود مدير إدارة الجمعيات الحالي هو وفاطمة محمد رجب أخت السيد رجب اللى إتمسك في قضية رشوة طلبوا رشوة من مجلس الادارة اللى عزلوة ولما مادفعش عزلوة ماهو أخت بتاع الرشاوي لازم تبقي بتاعة رشاوي زية وماقلوش إن كمال عبدالحليم زور توقيع وكيل الوزارة وفتح الحسابات للمفوض محمد الباقيري بتاريخ 20/4/2016 يعنى قبل إستلام المفوض وإستولوا علي أموال جمعية رعاية الطلبة علشان يصفوا الجمعية وياخدوا أرضها اللى بالملايين في جيوبهم زي لعبة كمال عبدالحليم في جمعية رعاية طلبة الجامعات يعني اللعبة القذرة اللى بتلعبها مديرية التضامن بالقليوبية مع الجمعيات اللى فيها ملايين وفلوس علشان موظفين التضامن يسرقوا ويستولوا على أموال الجمعيات يعنى أنتم بتعزلوا الجمعيات علشان تستولوا عليها أنتم طيب اللجنة ماقلتش على القرار الوزاري رقم 2233 لسنة 2016 اللى زورتة صفاء طنطاوي قرار محافظ القليوبية وإستولت بية هي والمفوض وأعضاء الجهة الادارية على أموال الجمعية يعنى اللجنة ماقلتش على إيرادات الاتوبيس اليومية اللى المفوض ال……. هو وصفاء وفوزي القاضي وجلال عبدالمعبود وهشام حجازي وفاطمة رجب إستولوا عليها واللي بتتقدر ب 18 ألف جنية يوميا لمدة عام ونصف واللجنة ماقلتش أن المفوض عين قرايبة وكلفوا خزينة الجمعية مبلغ 100 ألف جنية تأمينات غير الضرائب وماقلوش لكي يادكتورة غادة إنتى ومحافظ القليوبية إن المجلس إستلم الجمعية بتاريخ 30/8/2017 ولما إتفوضوا معاة علشان يساوي مخالفات المفوض والمجلس المحترم رفض كسروا علية مقر الجمعية ونهبوها وعينتى مجلس من قرايب الجهة الادارية بدون حكم محكمة طبقا للمادة 42 من القانون 70 وبهدلتى الدنيا وصفاء طنطاوي بعتت رجالتها هي ومحمد مرسي اللى كان في المجالس السابقة اللى سرقت الجمعية وسرقوا المستندات وأكثر من 50 ألف جنية كانت داخل الجمعية سؤال لمعالي وزيرة التضامن إنتى جايبة مجدي حسن وكيل الوزارة المدلل إبن صفاء طنطاوي علشان يداري علي مخالفاتها هي وموظفين الجهة الادارية انتى ياسيادة الوزيرة خالفتى المادة 75 من الدستور وحكم المحكمة الدستورية يعنى اللجنة ماقلتش لكي أنها عملت إشكال في التنفيذ علي القضية 451 لسنة 19 ق علي قرار ملغي من عام 2002 علشان يعطلوا التسليم ويتلاعبوا علشان قرار النيابة العامة بضبطهم أنتى عارفة يادكتور غادة رايح من رجلتك كام واحد علي السجن بسبب عدم تنفيذ أحكام جمعية رعاية الطلبة والتلاعب بالاوراق وأموال الجمعية مع أنكم مالكوش صفة في الجمعية طبقا للدستور والقانون رايح من رجالتك 15 موظف ولما الناس راحت لمجدي حسن ومدت له إيدهم وعملوا مبادرة وطلبوا منة تنفيذ الاحكام القضائية بعت للنيابة الادارية بلاغ في مجلس الادارة يعني زي ماصفاء طنطاوي بتقول لكل الناس أنك إتصلتي بيها وقلتلها هاتي أسامي الناس اللي عملت فيكي كدة علشان أبهدلهم يعني جايبة مجدي حسن اللى ضرب وكيل مديرية البحر الاحمر وشهد الناس علية بالزور وإبن صفاء اللى بتتصل بية علي طول وتقولة يامجدي إعمل كذا وهو يقولها حاضر ياماما زي هشام حجازي وكيل المديرية إبنها المدلل اللى فاتح خط معاها طول اليوم بيسمعها إجتماعات مجدي علشان تشوفة بينفذ التعليمات ولا بيلعب بديلة ولما قبل كدة وقع هشام من طولة أيام صفاء من البهدلة اللى مبهدلهالة راحت صوتت وقالت الواد وقع وقعدت تدلكلة في صدرة ماهو لها حق ماهو هشام اللى بيزورلها دلوقت وممشى لها الدنيا مع مجدي وأخبار الطلب اللى إتبعتلك أية منهم علشان ترجعيها القليوبية ولما مدير رعاية الطلبة قابل هشام أمس في النيابة الادارية وشة احمر وقالة مابعتناش بلاغات وشخصية مرموقة في النيابة قالت لهم شوية الحرامية دول بتوع مديرية التضامن مالهم ومال الجمعية وفلوسها يعني يادكتورة غادة أنتى والمحافظ الدكتور علاء عبدالحليم والدكتورة إيمان ريان عاجبكوا الفساد في مديرية التضامن بالقليوبية ومش ناويين تنفذوا أحكام ولا الدستورية حتي يعني مش عايزين ترجعوا مجلس الادارة علشان خاطر صفاء طنطاوي زي ماقالت للناس بتتصلي بيها كل يوم تطمني عليها وياسيادة المحافظ الدكتور علاء لما اعضاء المجلس راحوا لسيادتك قالت لهم حاضر حابعت الموضوع لدكتور في حقوق بني سويف يكتب تقرير عن تنفيذ الحكم وطبعا سيادتك مابعتش حاجة طيب يادكتورة غادة أنتى مش عارفة أنك مرفوع عليكي دعوي حبس وعزل وماتعرفيش إن مجلس الادارة بعتلك إنذار علي يد محضر علي منزلك أخبروكي فية بجميع جرائم صفاء طنطاوي وفوزي القاضي وعدم تنفيذك الاحكام القضائية اللى أدي عدم تنفيذها إلي إهدار اموال الجمعية وتتحملي المسئولية الجنائية معاهم وأصبحتي شريكة كدة معاهم بعد الانذار دة لعلمك الشخصي وبردة مستمرة علي عدم التنفيذ .

طيب مش عايزة تنفذي الحكم رقم 451 لسنة 19 ق نفذي حكم المحكمة الدستورية العيا ورجعي المجلس بدل إهدار الاموال اللى شغال من قرايب رجالتك .

غدا فساد جمعية الهلال الاحمر وحكايات ذات رائحة نتنه .

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق